گڈکری نے کازرنگا ایلیویٹیڈ روڈ پروجیکٹ پر کام کا جائزہ لیا

نئی دہلی// روڈ ٹرانسپورٹ اور شاہراہوں کے وزیر نتن گڈکری نے کہا ہے کہ انہوں نے آج کازرنگا ایلیویٹیڈ روڈ پروجیکٹ کی پیش رفت کا جائزہ لیا۔
مسٹر گڈکری نے ٹوئٹ کرتے ہوئے مطلع کیا کہ وائلڈ لائف انسٹی ٹیوٹ آف انڈیا کی طرف سے نشاندہی کی گئی جگہوں پر تقریباً 34 کلو میٹر بلند سڑکیں تعمیر کی جا رہی ہیں تاکہ اس بات کو یقینی بنایا جا سکے کہ اس پروجیکٹ کی وجہ سے جنگلی جانوروں کے راستے میں کوئی رکاوٹ نہ آئے اور جنگلی جانور اپنی مقررہ جگہوں سے آمدو رفت کرسکیں ۔
مسٹر نے کہا کہ اس کے علاوہ اس منصوبے میں شاہراہ کو 4 لین تک چوڑا کرنا شامل ہے جس کی کل لمبائی 50 کلومیٹر ہے اور تقریباً تین کلومیٹر تک پھیلی ہوئی سرنگوں کی تعمیر شامل ہے ۔
مرزی وزیر گڈکری نے کہا کہ انہوں نے ہدایت دی ہے کہ سرنگ کی تعمیر کو ایک الگ پروجیکٹ کے طور پر سمجھا جانا چاہئے اور ان کی تعمیر کے ملبے کو سڑک کے کاموں کے لئے استعمال کیا جانا چاہئے ۔ سیاحوں کو جنگلی جانوروں کے نظارے کے مواقع فراہم کرنے کے لیے موٹر گاڑیوں کی پارکنگ اور کیوسک کے ساتھ ایلیویٹڈ روڈ پر دیکھنے کے پلیٹ فارم کو شامل کرنے کی تجویز دی گئی ہے ۔