کلکتہ//
رابندرناتھ ٹیگور کے جینی کی تقریبات کے موقع بی جے پی لیڈروں کے ذریعہ بنائی گئی ایک تنظیم کے زہر اہتمام آج سائنس سٹی کے آڈیٹوریم میں ایک تقریب منعقد کیا گیا جس میںمرکزی وزیر داخلہ امیت شاہ شرکت کررہے تھے ۔تاہم آڈیٹوریم میں داخلہ کو لے کر بی جے پی کارکنان کے درمیان جھڑپ ہوگئی۔بی جے پی کے مقامی لیڈروں کو اس کی وجہ سے کافی شرمندگی کا سامنا کرنا پڑا۔
منگل کی شام سائنس سٹی آڈیٹوریم میں منعقد تقریب میں بی جے پی حامیوں کے درمیان اس بات کو لے کر تنازع ہوگیا کہ کون کس دروازے سے داخل ہوگا۔ ریاستی بی جے پی کے ترجمان شیامک بھٹاچاریہ بھی موقع پر موجود تھے ۔ ان کے سامنے افراتفری مچی ہوئی۔ مبینہ طور پر کارکنوں نے شیامک پر گالیاں دیں۔ چند کارکنوں نے ان پر انگلیاں اٹھائیں اور کہا، ‘‘آپ کیسے لیڈر ہیں؟’’ شیامک بھٹا چاریہ نے پارٹی کارکنوں کو روکنے کی کوشش کی۔
شاہ پیر کی رات کلکتہ پہنچے ہیں ۔مرکزی وزیر داخلہ منگل کی صبح رابندر ناتھ ٹیگو کے گھر جوڑاسانکوٹھاکر باڑی پہنچے ۔ شاہ نے جوڑاسانکو میں رابندر ناتھ کے مجسمے پر پھول چڑھائے ۔ ٹیگور کے گھر تشریف لائیں۔ شاہ کے ساتھ اپوزیشن لیڈر شوبھندو ادھیکاری، بی جے پی کے ریاستی صدر سکانت مجمدار، بی جے پی آل انڈیا نائب صدر دلیپ گھوش، ایم پی لوکیٹ چٹوپادھیائے تھے ۔ وزیر اعلیٰ ممتا بنرجی نے نام لیے بغیر اس پر طنز کیا۔ انہوں نے کہا کہ رابندر ناتھ ٹیگور کی عبادت دل سے کی جانی چاہئے ۔ رابندر ناتھ کے نظریات سے انحراف نہیں کرنا چاہیے ۔