سوڈان: جنگ بندی کے باوجود جھڑپیں جاری

خرطوم//
سوڈان میں فوج اور پیراملٹری فورسز کےدرمیان جنگ بندی ہونے کے باوجود بھی جھڑپیں جاری ہیں۔
بین الاقوامی میڈیا کی رپورٹ کے مطابق فریقین ایک دوسرے پر جنگ بندی کی خلاف ورزی کا الزام عائد کرتے رہے ہیں۔
رپورٹ میں بتایا گیا ہےکہ فوج اور پیراملٹری فورسز کے درمیان اتوار کی رات یعنی سے 72 گھنٹوں سے جنگ بند ہے۔
سوڈان میں فوج اور پیرا ملٹری فورسز کے درمیان کشیدگی میں اب تک 528 افراد ہلاک اور 4 ہزار599 زخمی ہوچکےہیں۔
ملک میں موجود اقوام متحدہ کےانسانی حقوق کےکوآرڈینیٹر نے اپنے بیان میں بتایا ہے کہ سوڈان سے اب تک 73 ہزار افراد پڑوسی ممالک میں پناہ لے چکے ہیں۔
اُنہوں نے بتایا کہ سوڈان میں کشیدگی کے باعث 8 لاکھ سے زائد افراد قریبی 7 ممالک میں پناہ لے سکتےہیں.
رپورٹ میں یہ بھی بتایا گیا ہے کہ اقوام متحدہ کے ہنگامی امدادی پروگرام کے سربراہ آج سوڈان کا دورہ کریں گے۔