دو نوجوانوں پر حملہ کرنے کے الزام میں تین افراد گرفتار:پولیس

سرینگر//
پولیس نے سرینگر کے عید گاہ علاقے میں دو لڑکوں پر حملے کرکے انہیں زخمی کرنے کے الزام میں تین افراد کر گرفتار کیا ہے ۔
سرینگر پولیس نے اپنے ایک ٹویٹ میں جانکاری فراہم کرتے ہوئے کہا’’عید گاہ پارک میں کچھ لوگوں نے دو لڑکوں کو بری طرح پیٹ کر زخمی کر دیا‘‘۔انہوں نے ٹویٹ میں کہا کہ اس سلسلے میں تین افراد کو گرفتار کیا گیا۔
گرفتار شدگان کی شناخت احرار صدیق نجار، عاطف ظفر وانی اور حسیب احمد میر ساکنان وانگن پورہ کے بطور کی گئی ہے ۔
پولیس نے ٹویٹ میں کہا کہ اس ضمن میں پولیس اسٹیشن صفا کدل میں ایک کیس درج کیا گیا اور جرم کیلئے استعمال کیا جانے والا ہتھیار بھی بر آمد کیا گیا۔