ٹرانسپورٹروں کی مطالبات کو لے کر ۱۷؍اپریل کو چکہ جام کی کال

سرینگر //
جموں وکشمیر ٹرانسپورٹ ویلفیئر ایسوسی ایشن نے کہا کہ جموں وکشمیر میں۱۷؍ اپریل کو ٹرانسپورٹرس کی جانب سے ہڑتال کی جائے گی۔
ایسوسی ایشن کے جنرل سکریٹری شیخ محمد یوسف نے کہا کہ ٹرانسپورٹس نے اپنے مطالبات کو پورے کرنے کیلئے۱۷؍ایریل کو ایک روزہ ہڑتال کی کال دی ہے۔انہوں نے کہا کہ مختلف ٹرانسپورٹ ایسوسی ایشنز اور کمپنیوں اور تمام طبقات کی یونینوں کی ایک میٹنگ پارم پورہ سرینگر میں منعقد ہوئی اور اس میٹنگ میں یہ فیصلہ لیا گیا کہ جموں کشمیر میں۵ء۳ لاکھ لوگ ٹرانسپورٹ کے شعبے سے وابستہ ہیں جنہیں حکومت مسلسل نظر انداز کر رہی ہے۔
یوسف نے کہا کہ موجودہ وقت میں ٹرانپورٹرس کو گونا گوں مشکلات سے دوچار ہونا پڑتا ہے، چاہیے وہ ٹیکس ہو ، فیس یو یا جرمانے کی صورت میں ہے۔انہوں نے کہا کہ ٹرانسپورٹرس کے بہت سارے مطالبات ہے، جنہیں سرکار کو حل کرنے کی ضرورت ہے۔
یوسف نے کہا کہ کشمیر اور جموں صوبوں کے ٹرانسپورٹروں نے متفقہ طور پر اس ماہ ۱۷؍کی اپریل کو ایک روزہ چکہ جام کرنے کا فیصلہ کیا ہے۔انہوں نے کہا میٹنگ میں یہ فیصلہ لیا گیا کہ ۱۷؍ اپریل کو لیلتہ القدر منائی جائے گی تو عوام کی سہولت کیلئے گاڑیاں شام ۶بجے کے بعد تمام درگاہوں اور مساجد کیلئے دستیاب ہونگی۔