پاٹیدار ایڑی کی چوٹ کی وجہ سے آئی پی ایل سے باہر

کولکتہ، // رائل چیلنجرز بنگلور (آر سی بی) کے مڈل آرڈر بلے باز رجت پاٹیدار ایڑی کی چوٹ کی وجہ سے انڈین پریمیئر لیگ (آئی پی ایل) 2023 سیزن سے باہر ہو گئے ہیں۔
منگل کو ایک ٹویٹ کے ذریعے یہ اطلاع دیتے ہوئے آر سی بی نے کہاکہ "بدقسمتی سے رجت پاٹیدار ایڑی کی چوٹ کی وجہ سے آئی پی ایل 2023 سے باہر ہو گئے ہیں۔ ہم رجت کی جلد صحت یابی کی خواہش کرتے ہیں اور اس عمل کے دوران ان کی حمایت جاری رکھیں گے۔
فرنچائز نے بتایا کہ ٹیم مینجمنٹ نے پاٹیدار کے متبادل پر ابھی غور کرنا ہے۔
پاٹیدار آر سی بی کے سال کے پہلے میچ میں شامل نہیں ہوسکے حالانکہ انہوں نے پچھلے سیزن میں اپنی کارکردگی سے سب کی توجہ مبذول کرلی تھی۔
پاٹیدار نے آئی پی ایل 2022 میں آٹھ میچ کھیلے اور 55.50 کی اوسط سے 333 رنز بنائے۔ انہوں نے ایلیمینیٹر میں لکھنؤ سپر جائنٹ کے خلاف میچ جیتنے والی سنچری بنا کر سب کی تعریفیں بھی جیت لیں۔
پاٹیدار کا ٹورنامنٹ سے باہر ہونا آر سی بی کے لیے ایک بڑا دھچکا ہے کیونکہ اس سے پہلے جوش ہیزل ووڈ اور ریس ٹوپلے بھی زخمی ہو چکے ہیں۔
ہیزل ووڈ ایڑی کی چوٹ کی وجہ سے آئی پی ایل کے ابتدائی حصے سے محروم ہوں گے، حالانکہ فرنچائز نے ابھی تک ٹوپلے کی انجری کے بارے میں کوئی تفصیلات ظاہر نہیں کی ہیں۔
آر سی بی فی الحال اپنے اگلے آئی پی ایل میچ کے لیے کولکتہ میں ہے جہاں جمعرات کو ان کا مقابلہ میزبان ٹیم سے ہوگا۔