جموں//
پونچھ میں ایل او سی کے نزدیک فوج نے نارکو ملی ٹینسی کے ایک بڑے منصوبے کو ناکام بنا کر بڑی مقدار میں ہیروئن برآمد کی ہے ۔
سرکاری ذرائع نے بتایا کہ مصدقہ اطلاع موصول ہونے کے بعد فوج نے پونچھ میں لائن آف کنٹرول کے نزدیک تلاشی آپریشن کے دوران ہیروئن کے دس پیکٹ برآمد کرکے ضبط کئے ۔
ذرائع نے کہاکہ ہیروئن سے بھرے پیکٹ کو مزید جانچ پڑتال کی خاطر پولیس کے حوالے کیا گیا۔
بتادیں کہ جموں وکشمیر میں نارکو ملی ٹینسی کے خلاف سیکورٹی ایجنسیوں نے بڑے پیمانے پر آپریشن شروع کیا ہوا ہے ۔
جہاں سرحدی علاقوں میں تلاشی آپریشن کا دائرہ وسیع کیا گیا وہی اس گورکھ دھندے میں ملوث افراد کے خلاف بھی کارروائی عمل میں لائی جارہی ہیں۔