سرینگر‘ جموں شاہراہ پر مرمتی کام کے پیش نظر ٹریفک بند

سرینگر//
وادی کشمیر کو ملک کے باقی حصوں کے ساتھ جوڑنے والی سرینگرجموں قومی شاہراہ پر مرمتی کام کے پیش نظر جمعے کے روز ٹریفک کی نقل و حمل معطل رہی۔
ٹریفک حکام نے بتایا کہ قومی شاہراہ پر مرمتی کام کے پیش نظر جمعے کی صبح ۶بجے سے ہفتے کی صبح ۶بجے تک ٹریفک کی نقل و حمل معطل رہے گی۔
حکام نے کہا کہ ڈوڈہ، کشتواڑ شاہراہ ٹریفک کی نقل و حمل کے لئے کھلی رہے گی۔
بتادیں کہ قومی شاہراہ کے بند ہونے سے اہلیان وادی کو گونا گوں مشکلات کا سامنا کرنا پڑتا ہے ۔
لوگوں کا کہنا ہے کہ شاہراہ کے بند ہوتے ہی جہاں بازاروں میں اشیائے ضروریہ کی قلت پیدا ہوجاتی ہے وہیں گراں بازاری بھی آسمان چھونے لگتی ہے ۔