سرینگر/10 مارچ
وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ پر مرمتی کام کے پیش نظر جمعے کے روز ٹریفک کی نقل و حمل معطل رہی۔
ٹریفک حکام نے بتایا کہ قومی شاہراہ پر مرمتی کام کے پیش نظر جمعے کی صبح 6 بجے سے ہفتے کی صبح 6 بجے تک ٹریفک کی نقل و حمل معطل رہے گی۔
انہوں نے کہا کہ ڈوڈہ، کشتواڑ شاہراہ ٹریفک کی نقل و حمل کے لئے کھلی رہے گی۔
بتادیں کہ قومی شاہراہ کے بند ہونے سے اہلیان وادی کو گونا گوں مشکلات کا سامنا کرنا پڑتا ہے ۔
لوگوں کا کہنا ہے کہ شاہراہ کے بند ہوتے ہی جہاں بازاروں میں اشیائے ضروریہ کی قلت پیدا ہوجاتی ہے وہیں گراں بازاری بھی آسمان چھونے لگتی ہے ۔