سرینگر//
جموںکشمیر حکومت نے جمعرات کے روز دو پولیس افسروں کو منسلک کر دیا تاہم حکومت نے ان کی منسلکی کے وجوہات ظاہر نہیں کئے ۔
منسلک کئے گئے پولیس افسروں میں ڈی ایس پی نوگام عادل مشتاق اور اے ایس پی بانڈی پورہ عاشق حسین ٹاک شامل ہیں۔
جمعرات کو جاری حکم نامے کے مطابق ایس ڈی پی او نوگام عادل مشتاق کو اگلے احکامات تک سپیشل ڈی جی کرائم جموں وکشمیر کے دفتر کے ساتھ منسلک کیا گیاہے ۔
حکم نامہ کے مطابق سمت کمار شرما کو ایس ڈی پی او نوگام کے فرائض تقویض کئے گئے ہیں۔
جمعرات کی سہ پہر کو اور ایک حکم نامے میں ایڈیشنل سپر انٹنڈنٹ آف پولیس بانڈی پورہ عاشق حسین ٹاک کو پولیس ہیڈ کواٹر کے ساتھ منسلک کیاگیا ۔
مذکورہ پولیس آفیسران کو کن وجوہات کی بنا پر منسلک کیا گیا اس بارے میں کچھ بھی نہیں کہا گیا ہے ۔
