جموں//
آل جموں کشمیر پنچایت کانفرنس نے پیر کے روز یہاں اپنے مطالبات کے حق میں احتجاج درج کیا۔
اس موقع پر کانفرنس کے صدر انیل شرما نے میڈیا کے ساتھ بات کرتے ہوئے کہا کہ آج جو ہم نے یہاں احتجاج درج کیا اس کا مقصد یہ ہے کہ جو جموں کشمیر میں۱۴؍ایف سی کا پیسہ واپس کیا گیا ہے اس کو فوری طور پر واگذار کیا جائے ۔
شرما نے کہا کہ پنچایتوں نے جموںکشمیر کے دیہاتوں میں بے روزگار نوجوانوں کو رزو گار فراہم کیا۔ان کا کہنا تھا کہ پنچایتوں کی ترقی کیلئے تالاب بنائے گئے‘ نالیاں بنائی گئیںیہاں تک اسکولوں میں اضافی کلاس روم بنائے گئے ۔
پنچایت کانفرنس کے صدر نے کہا لیکن انتظامیہ کی طرف سے دو سو کروڑ روپے واپس کئے گئے ۔
شرما نے لیفٹیننٹ گورنر منوج سنہا سے اپیل کی کہ وہ اس پیسے کو فوری طور واپس کرائے تاکہ جن نوجوانوں نے دیہاتوں میں کام کاج کیا ہے ان کو پیسہ مل سکے ۔