ملک میں کورونا کے فعال کیسز میں معمولی اضافہ

نئی دہلی//
ملک میں گزشتہ 24 گھنٹے میں کورونا انفیکشن کی وجہ سے دو مریضوں کی موت ہوگئی، جس سے ان کی تعداد بڑھ کر 530775 ہوگئی ہے اور اسی عرصے میں کورونا انفیکشن کے 161 فعال کیسز بڑھے ہیں۔دریں اثنا، گزشتہ 24 گھنٹے کے دوران ملک میں 6977 کووڈ ویکسینیشن کیے گئے ہیں اور اب تک کل 220 کروڑ 64 لاکھ 5 ہزار 484 ویکسینیشن کیے جا چکے ہیں۔
ہفتہ کی صبح صحت اور خاندانی بہبود کی مرکزی وزارت کی طرف سے جاری کردہ اعداد و شمار کے مطابق، گزشتہ 24 گھنٹے میں 170 مریض اس وبا سے صحت یاب ہوئے ہیں۔ ایکٹو کیسز کی تعداد 2686 ہو گئی ہے۔ کرناٹک میں 47، مہاراشٹر میں 34، تلنگانہ میں 22، کیرالہ میں 12، تمل ناڈو میں 11، گجرات اور مدھیہ پردیش میں سات سات، اتراکھنڈ اور ہماچل پردیش میں چھ چھ، دہلی میں پانچ، پنجاب اور راجستھان میں تین تین، گوا اور مغربی بنگال میں 2-2، آندھرا پردیش، چھتیس گڑھ اور اڈیشہ میں بالترتیب ایک ایک معاملے بڑھے ہیں، جبکہ مہاراشٹر میں کورونا سے دو مریضوں کی موت ہوگئی ہے۔
تفصیلی اعدادوشمار کے مطابق ملک میں کورونا انفیکشن کے رجسٹرڈ کیسز کی تعداد چار کروڑ 46 لاکھ 87 ہزار 496 اور اس مرض سے چھٹکارا پانے والوں کی کی تعداد چار کروڑ 41 لاکھ 54 ہزار 035 ہے جبکہ تعداد اموات 530775 ہے۔