منیش سسودیا کی گرفتاری کے خلاف جموں میں احتجاج

سرینگر//
جموںکشمیر عام آدمی پارٹی کے کارکنوں نے دہلی کے نائب وزیر اعلیٰ منیش سسودیا کی گرفتاری کے خلاف احتجاجی مظاہرئے کئے ۔
اطلاعات کے مطابق جموں میں عام آدمی پارٹی کے کارکنوں نے منیش سسودیا کی گرفتاری کے خلاف سڑکوں پر آکر احتجاج کیا۔
مظاہرین نے نامہ نگاروں سے بات چیت کے دورا ن بتایا کہ سی بی آئی کی جانب سے منیش سسودیا کی گرفتاری ناقابل برداشت ہے ۔
مظاہرین نے کہاکہ سی بی آئی نے اُس آدمی کو پکڑا جس نے دہلی میں غریب بچوں کو مفت تعلیم فراہم کرنے کی راہ ہموار کی۔اُن کے مطابق ایک منصوبہ بند سازش کے تحت سسودیا کو گرفتار کیاگیا جس کی جتنی بھی مذمت کی جائے کم ہے ۔
معلوم ہوا ہے کہ عام آدمی پارٹی کے کارکنوں نے گر چہ آگے بڑھنے کی کوشش کی تاہم پہلے سے تعینات پولیس اہلکاروں نے اُنہیں اس کی اجازت نہیں دی جس دوران پولیس نے چند مظاہرین کو احتیاطی طورپر حراست میں لیا۔