نئی دہلی//
سابق بھارتی ٹیسٹ کرکٹر ہربھجن سنگھ کو کے ایل راہول کی حمایت پر بھارتیوں نے آڑے ہاتھوں لے لیا۔
سماجی رابطے کی ویب سائٹ ٹوئٹر پر ہربھجن سنگھ نے کے ایل راہول کی حمایت میں پیغام کیا تھا۔
جس میں ہربھجن سنگھ نے لکھا تھا کہ کیا ہم کے ایل راہول کو اکیلا چھوڑ سکتے ہیں؟ اس نے کوئی جرم نہیں کیا، وہ اب بھی ٹاپ پلیئر ہے اور وہ کم بیک کرے گا۔
انہوں نے کہا کہ انٹرنیشنل کرکٹ میں ہم سب اس دور سے گزرتے ہیں، وہ پہلا یا آخری نہیں ہے، تو اس کی عزت کریں وہ بھی ہمارا اپنا بھارتی ہے۔
ہربھجن سنگھ کے پیغام کے بعد بھارتیوں نے ان کی کلاس لے لی۔
ایک بھارتی صارف نے لکھا کہ راہول نے کوئی جرم نہیں کیا بلکہ مجرم تو سرفراز خان، سنجو سیمسن اور شبمن گل ہیں، ایک سیریز میں پرفارم نہ کرنے پر یہ جرم شیکھر دھون نے کیا ہے۔
انہوں نے کہا کہ مرلی وجے اور کرون نائر اس جرم کے ماسٹر مائنڈ تھے، لیکن ہر شخص کے لیے الگ پیمانہ ہوتا ہے۔