خلاف ورزی پر دو ریونیو افسران کے خلاف شوکاز نوٹس جاری

سرینگر//
جموں کشمیر ہائی کورٹ نے محکمہ مال کے دوآفیسروں‘ناصر محمود خان اسسٹنٹ کمشنر نزول‘ سری نگ اور معین اظہر ککرو تحصیلدار، جنوبی، سرینگر کے خلاف عدالتی احکامات کے باوجود ایک ڈھانچہ گرانے پر وجہ بتاؤ نوٹس جاری کیا ہے۔
مدھو دھر اور دیگر کی طرف سے دائر توہین عدالت کی درخواست میں عدالت نے محسوس کیاکہ جموں و کشمیر ہائی کورٹ کی طرف سے ۱۸ دسمبر ۲۰۱۵ کے حکم نامے کے ذریعہ منظور شدہ امتناعی احکامات کے باوجود اور جو ابھی تک نافذ ہیں، جواب دہندگان ڈھانچہ کو منہدم کر دیا جو اس عدالت کے جاری کردہ احکامات کی صریح خلاف ورزی ہے۔
عدالت نے آبزرویشن دی ہے کہ یہ دونوں ریونیو افسران توہین عدالت کے مرتکب ہوئے ہیں اور اسی کے مطابق رجسٹری کو دونوں اہلکاروں کو شوکاز نوٹس جاری کرنے کی ہدایت کی ہے۔
دونوں عہدیداروں کو وجہ ظاہر کرنے کی ہدایت کی کہ معزز عدالت کے احکامات کی خلاف ورزی کرنے پر ان کے خلاف توہین عدالت کی کارروائی کیوں نہیں کی جاتی۔