وسن کنگن میں بھیانک آتشزدگی ڈیڑھ کروڑ روپے مالیت کی مشینیں تباہ

سرینگر///
جموںکشمیر کے وسطی ضلع گاندربل کے وسن کنگن علاقے میں آتشزدگی کی ایک بھیانک واردات کے دوران ڈیڑھ کروڑ روپے مالیت کی مشینیں خاکستر ہوئیں۔
اطلاعات کے مطابق وسن کنگن میں جمعرات کی صبح کارخانے سے آگ نمودار ہوئی جس نے آناً فاناً اپنے متصل کئی ڈھانچوں کو لپیٹ میں لے لیا۔
معلوم ہوا ہے کہ مقامی لوگوں اور فائر اینڈ ایمرجنسی عملے کی بروقت کارروائی کے نتیجے میں گرچہ آگ پر قابو پایا گیا تاہم آتشزدگی کی اس واردات کے دوران کئی کارخانے خاکستر ہوئے اور اُن میں موجود مشینری بھی تباہ ہوئی۔
مقامی لوگوں نے بتایا کہ کم از کم ڈیڑھ کروڑ روپیہ مالیت کی مشینیں آگ کی اس واردات میں تباہ ہوئیں۔انہوں نے ضلعی انتظامیہ سے متاثرین کو معاوضہ فراہم کرنے کی اپیل کی
دریں اثنا پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی