بارہمولہ/یکم فروری
شمالی کشمیر کے بارہمولہ ضلع میں بدھ کو گلمرگ کے سکی ریزورٹ میں افروات چوٹی پر برفانی تودے کی زد میں آکر کم از کم دو افراد کی موت ہو گئی۔
ایک مقامی خبر رساں ایجنسی نے نامعلوم اہلکاروں کے حوالے سے اطلاع دی ہے کہ برفانی تودہ گرنے کے فوراً بعد علاقے میں ریسکیو آپریشن شروع کیا گیا۔
دو افراد کی لاشیں برف کے نیچے سے نکال لی گئیں۔انہوں نے کہا کہ خوش قسمتی سے، ہم چار دیگر افراد کو بچانے میں کامیاب ہو گئے۔انہوں نے بتایا کہ متوفی کی شناخت کی جا رہی ہے۔ انہوں نے مزید کہا کہ ریسکیو آپریشن جاری ہے تاکہ یہ معلوم کیا جا سکے کہ آیا کوئی اور شخص پھنسا ہوا ہے۔
افروات یا افروات چوٹی اسکیئرز میں مقبول ہے۔
بارہمولہ پولیس نے ٹویٹ کیا”برفانی تودہ گلمرگ کے مشہور اسکی ریزورٹ میں افروات چوٹی ہپتھ کھڈ سے ٹکرا گیا۔ بارہمولہ پولیس نے دیگر ایجنسیوں کے ساتھ مل کر ریسکیو آپریشن شروع کیا ہے۔ کچھ اسکائیرز کے پھنسے ہونے کی اطلاعات کی تصدیق کی جا رہی ہے۔ مزید تفصیلات آگے آئیں گی۔“
