نئی دہلی// پولس نے شمالی دہلی کے صدر بازار علاقے میں ایک مشتبہ دھماکے کے سلسلے میں اتر پردیش کے ہاپوڑ سے ایک نوجوان کو گرفتار کیا گیا ہے جس میں ایک شخص کی موت اور چار زخمی ہو گئے تھے ۔
شمالی دہلی کے ڈپٹی کمشنر آف پولیس ساگر سنگھ کلسی نے ہفتہ کو بتایا کہ پولیس انسپکٹر (تفتیش) ڈی وی سنگھ اور صدر بازار اسٹیشن ہاؤس انسپکٹر کنہیا لال یادو کی قیادت میں ایک پولیس ٹیم نے جمعہ کو ملزم محمد فیض (19) کو ہاپوڑ سے اس کی رہائش گاہ سے گرفتار کیا۔
انہوں نے بتایا کہ 8 جنوری کو صدر بازار کے علاقے قطب روڈ میں دھماکے کے بعد مکان کی دیوار گرنے سے 5 افراد زخمی ہوئے تھے ۔ ان میں سے ایک کی علاج کے دوران موت ہوگئی تھی۔
مسٹر کلسی نے کہا کہ اب تک کی تحقیقات سے پتہ چلا ہے کہ دھماکہ پٹاخوں کی وجہ سے ہوا ہے ۔ اس معاملے میں مزید تفتیش جاری ہے ۔
