سکیورٹی اشوز پر راہل گاندھی کا مارچ معطل

اننت ناگ/ 27 جنوری
کانگریس پارٹی کے لیڈر‘ راہل گاندھی نے جمعہ کو کہا کہ انہیں آج دن کا پیدل مارچ منسوخ کرنا پڑا کیونکہ پولیس کے انتظامات بدقسمتی سے ’مکمل طور پر منہدم‘ ہو گئے تھے۔
کانگریس کے سابق صدر نے یہاں نامہ نگاروں کو بتایا کہ پولیس اہلکار جو بھیڑ کو سنبھالنے والے تھے وہ کہیں نظر نہیں آئے۔
راہل نے کہا”یہ جموں اور کشمیر انتظامیہ کی ذمہ داری ہے کہ وہ سیکورٹی فراہم کرے…. مجھے امید ہے کہ اب یاترا کے باقی دنوں کے لیے سیکورٹی کو یقینی بنایا جائے گا“۔ گاندھی، جنہوں نے ستمبر میں کنیا کماری میں اپنی بھارت جوڑو یاترا شروع کی اور 30 جنوری کو سری نگر میں اس کا اختتام کیا۔
کانگریس لیڈر نے کہا، ”مجھے اپنا پیدل مارچ ختم کرنا پڑا کیونکہ میں اپنے سیکورٹی والوں کے خلاف نہیں جا سکتا۔“
ان کی پارٹی کے ساتھی جے رام رمیش نے مزید کہا کہ گاندھی کی سیکورٹی ٹیم جموں و کشمیر انتظامیہ کے ساتھ بات چیت کر رہی ہے تاکہ اس بات کو یقینی بنایا جا سکے کہ اگلے چند دنوں تک سب کچھ آسانی سے چلتا رہے۔