بہادری ایوارڈ یافتہ کے سالانہ گرانٹ میں اِضافہ

جموں/۲۵جنوری
اِنتظامی کونسل کی میٹنگ آج یہاںلیفٹیننٹ گورنر منوج سِنہا کی صدارت میں منعقد ہوئی جس میں جموںوکشمیر یوٹی کے بہادری ایوارڈ یافتہ اَفراد کے حق میں سالانہ گرانٹ میں اِضافے کرنے ک منظور ی دی۔
میٹنگ میں لیفٹیننٹ گورنر کے مشیر راجیو رائے بھٹناگر اور چیف سیکرٹری ڈاکٹر ارون کمار مہتا نے شرکت کی۔
موجودہ بہادری ایوارڈ حاصل کرنے والوں کیلئے گرانٹ میں اِضافہ کرنے کی تجویز دیگر پڑوسی ریاستوں اور یوٹیز کے ساتھ برابری پر لانے اور اَفراط زر کو مد نظر رکھتے ہوئے کی گئی تھی کیوں کہ شرحوں کی آخری نظر ثانی سال ۲۰۰۸ء میں کی گئی تھی۔
فیصلے کے مطابق پرم ویر چکر کے لئے نظرثانی شدہ رقم اب۲۵ء۱ لاکھ روپے بڑھاکر ۷۵ء۱ لاکھ روپے کیاہے ۔اِسی طرح اشوک چکر ۵۰ء۱ روپے ، مہاویر چکر ۵۰ء۱ ، کیرتی چکر۵۰ء۱لاکھ ، ویر چکر کیلئے۷۵ہزارروپے وغیرہ کے لئے نظر ثانی شدہ رقم ہوگی۔