جموں:سڑک حادثے میں دو طالب علم ہلاک

جموں /۲۲جنوری
جموں کے اکھنور میں چار گاڑیوں کے درمیان آپسی ٹکر کے نتیجے میں دسویں جماعت میں زیر تعلیم دو طالب علم از جان جبکہ تین دیگر شدید طورپر زخمی ہوئے ۔
سرکاری ذرائع نے بتایا کہ جموں کے اکھنور میں چار گاڑیوں کے درمیانی زور دار ٹکر ہونے کے باعث دسویں جماعت میں زیر تعلیم دو طالب علم زخمی ہوئے ۔
انہوں نے بتایا کہ آس پاس موجود لوگوں نے دونوں کو علاج ومعالجہ کی خاطر نزدیکی ہسپتال پہنچایا تاہم وہاں پر تعینات ڈاکٹروں نے اُنہیں مردہ قرار دیا۔
متوفین کی شناخت 15سالہ متھالی اور 16سالہ کیشو ساکنان گڈا برہمنہ کے بطور ہوئی ہے ۔
معلوم ہوا ہے کہ حادثے میں مزید تین افراد بھی زخمی ہوئے ۔پولیس نے معاملے کی نسبت کیس درج کرکے مزید تحقیقات شروع کی۔