بونیار اوڑی میں خاتون کو چارپائی پر اُٹھاکر ہسپتال پہنچایا گیا

سرینگر///
جموںکشمیر کے شمالی ضلع بارہمولہ کے بونیار اوڑی علاقے میں بھاری برف باری کے بیچ دردزہ میں مبتلاخاتون کو فورسز اہلکاروں نے چار پائی پر اُٹھا کر ہسپتال پہنچایا۔
دفاعی ذرائع نے بتایا کہ ڈوگر ڈویژن کو اطلاع موصول ہوئی کہ اوڑی کے دور افتادہ علاقے سموالی بونیار میں ایک حاملہ خاتون کو مدد کی ضرورت ہے ۔
ذرائع نے کہاکہ فوجی اہلکار فوری طورپر جائے موقع پر پہنچے اور خاتون جس کی شناخت گلشن بیگم کے بطور ہوئی ہے کو چارپائی پر اُٹھا کر پرائمری ہیلتھ سینٹر منتقل کیا۔
بتادیں کہ وادی کشمیر میں بدھ کی صبح سے ہی پہاڑی اور بعض میدانی علاقوں میں برف باری کا سلسلہ جاری ہے جس وجہ سے کئی علاقوں میں لوگوں کومشکلات کا سامنا کرناپڑرہا ہے ۔