تحصیلدار بجبہاڑہ معطل، ضلع ترقیاتی کمشنر دفتر کے ساتھ اٹیچ

سرینگر//
جموں وکشمیر کی انتظامیہ نے تحصیلدار بجبہاڑہ کو حکم عدولی کی پادائش میں معطل کرکے ایڈیشنل کمشنر کشمیر کی سربراہی میں تحقیقاتی کمیٹی تشکیل دی۔
معلوم ہوا ہے کہ چیرمین اوقاف کمیٹی تحصیل سری گفوارہ اننت ناگ کی طرف سے درج کی گئی شکایت پر زیر التوا تحقیقات اور احکامات کی عدم تعمیل کے نتیجے میں غلام رسول بٹ تحصیلدار بجبہاڑہ کو فوری طوپرر معطل کرکے ضلع ترقیاتی کمشنر اننت ناگ کے دفتر کے ساتھ اٹیچ کردیا گیا۔
ذرائع نے بتایا کہ ایڈیشنل کمشنر کشمیر کو اس معاملے میں تحقیقاتی آفیسر کے طورپر نامزد کیا گیا اور اس سے ایک ہفتے کے اندر اندر رپورٹ پیش کرنے کی ہدایت دی گئی ۔