بارش سے متاثرہ ٹیسٹ میں خواجہ ڈبل سنچری سے پانچ رن دور

سڈنی// آسٹریلیا اور جنوبی افریقہ کے درمیان کھیلے جا رہے تیسرے ٹیسٹ کا دوسرے دن بھی بارش کی وجہ سے خاصا متاثر رہا، حالانکہ عثمان خواجہ (ناٹ آؤٹ 195) اور اسٹیو اسمتھ (104) نے جمعرات کو سنچریاں بنا کر کینگروز ایک مضبوط پوزیشن میں پہچا دیا۔
بارش سے متاثرہ ٹیسٹ کے دو دن میں صرف 131 اوورز کرائے گئے، جب کہ آسٹریلیا نے چار وکٹوں کے نقصان پر 475 رن بنائے۔
خواجہ نے پہلے دن کی اپنی نصف سنچری کو سنچری میں تبدیل کیا اور اب وہ ڈبل سنچری سے صرف پانچ رن دور ہیں۔ خواجہ نے 368 گیندوں میں 19 چوکوں اور ایک چھکے کی مدد سے 195 رن بنالئے، جب کہ اسمتھ نے بھی اپنے ٹیسٹ کریئر کا 30 ویں سنچری بنا کر 104 ابنائے۔ انہوں نے 192 گیندوں کی اننگز میں 11 چوکے اور دو چھکے لگائے۔
اس سنچری کے ساتھ اسمتھ نے آسٹریلیا کے لیے سب سے زیادہ ٹیسٹ اسکور کرنے والے بلے بازوں کی فہرست میں میتھیو ہیڈن (30) کی برابری کرلی۔ساتھ ہی انہوں نے 29 ٹیسٹ سنچریاں اسکور کرنے والے سر ڈان بریڈمین کو پیچھے چھوڑ دیا.۔
دن کا کھیل ختم ہونے سے قبل ٹریوس ہیڈ نے تیز بیٹنگ کرتے ہوئے صرف 59 گیندوں پر 70 رنز بنائے،جس میں آٹھ چوکے اور ایک چھکا شامل تھا۔ ان کی اننگز کو کاگیسو ربادا نے ختم کی۔
دوسرے دن کے کھیل کے اختتام تک عثمان خواجہ (195) کے ساتھ میٹ رینشا (پانچ ناٹ آؤٹ) وکٹ پر موجود ہیں۔