جموں میں رہبر کھیل کے تحت تعینات ٹیچروں پرلاٹھی چارج متعدد گرفتار

جموں//
جموں وکشمیر کی سرمائی راجدھانی جموں میں رہبر کھیل کے تحت تعینات اساتذہ نے اپنی مانگوں کو لے کر سڑکوں پر آکر احتجاجی مظاہرئے کئے ۔
معلوم ہوا ہے کہ پولیس نے احتجاج پر بیٹھے ملازمین کو منتشر کرنے کیلئے پہلے لاٹھی چارج کیا اور بعد میں اُنہیں گھسیٹ کر گاڑیوں میں بٹھایا گیا۔
یو این آئی اردو کے نامہ نگار نے بتایا کہ بدھ کے روز جموں میں رہبر کھیل کے تحت تعینات اساتذہ نے سڑکو ں پر آکر احتجاجی مظاہرئے کئے ۔
معلوم ہوا ہے کہ ملازمین نے کافی دیر تک مین شاہراہ پر دھرنا دیا گر چہ پولیس نے اُنہیں سمجھانے کی کوشش کی تاہم ملازمین دھرنے پر بضد رہے جس کے بعد پولیس نے اُنہیں منتشر کرنے کی خاطر لاٹھی چارج کیا۔
نامہ نگار نے بتایا کہ پولیس نے متعدد مظاہرین کو گھسیٹ کر گاڑیوں میں بٹھایا۔
اس سے قبل نامہ نگاروں سے بات چیت کے دوران ملازمین نے بتایا کہ پچھلے سولہ دنوں سے وہ احتجاج پر بیٹھے ہوئے ہیں لیکن سرکار اُن کی جائز مانگوں کی اور کوئی توجہ نہیں دے رہی ہیں۔انہوں نے بتایا کہ احتجاج کی خاطر وہ کشمیر سے جموں آئے لیکن اس کے باوجود بھی انتظامیہ ٹس سے مس نہیں ہو رہی ہیں۔
ملازمین نے مزید کہاکہ انتظامیہ نے حال ہی میں رہبر کھیل کے تحت تعینات ٹیچروں کے حوالے سے ایک آرڈر نکالا جو ناقابل برداشت ہے اور اس کو فوری طورپر کالعدم قرار دینے کی ضرورت ہے ۔