جموں //
بھارتیہ جنتا پارٹی(بی جے پی) کے ترجمان‘جسروٹیا نے راجوری واقعے میں پاکستان کو قصوار ٹھہراتے کہا کہ پورا ملک مارے گئے افراد کے لواحقین کے ساتھ کھڑا ہے۔ان کا الزام تھا کہ کانگریس اور نیشنل کانفرنس جموں وکشمیر کے لوگوں کے دکھ درد کی ذمہ دار ہے۔
ترجمان نے یہاں میڈیا کے ساتھ بات کرتے ہوئے کہا کہ ہمارا ہمسایہ ملک نہ خود سکون سے بیٹھتا ہے اور نہ ہی کسی کو چین سے بیٹھنے دیتا ہے۔انہوں نے کہا: ’اب اس (پاکستان) کے پاس ہم سے لڑنے کا کوئی سیدھا طریقہ نہیں ہے لہذ اس طرح کی حرکتیں کر رہا ہے‘۔
بی جے پی ترجمان کا کہنا تھا’’سارا ملک مارے گئے افراد کے لواحقین کے ساتھ کھڑا ہے‘۔
راہل گاندھی کی بھارت جوڑ یاترا کے جموں آنے کے بارے میں ایک سوال کے جواب میں جسروٹیا نے کہا کہ اگر وہ یہاں آتے ہیں تو انہیں کچھ سوالوں کا جواب ضرور دینا چاہئے۔انہوں نے کہا ’کانگریس جموں وکشمیر کی قصور وار ہے اس کو تین چار سوالوں کا جواب ضرور دینا ہوگا‘۔
جسروٹیا کا کہنا تھا کہ سال۱۹۸۷ میں جب ڈاکٹر فاروق عبداللہ وزیر اعلیٰ تھے تو اس وقت مسلم متحدہ محاذ کا گلہ دبایا گیا اور جو الیکشن ہار گئے ان کو کامیاب قرار دیا گیا کانگریس کو اس کا بھی جواب دینا ہوگا۔انہوں نے کہا کہ کانگریس جموں و کشمیر کے دکھ درد کی ذمہ دار ہے۔
بتادیں کہ راجوری کے ڈانگری گاؤں میں گذشتہ روز نامعلوم بندوق برادروں نے گھروں میں گھس کر اندھا دھند فائرنگ کی جس کے نتیجے میں چار عام شہری از جان ہوگئے جبکہ پیر کو اسی جگہ ایک دھماکہ ہوا جس میں دو بچے از جان جبکہ کئی زخمی ہوگئے۔