بی جے پی کرناٹک کے پرانے میسور علاقے میں اپنی گرفت مضبوط کرنے کے لیے سرگرم

بنگلور// مرکزی وزیر داخلہ امت شاہ نے کرناٹک میں انتخابی بگل بجاتے ہوئے پرانے میسور علاقہ(او ایم آر) کے پارٹی لیڈروں سے کہا ہے کہ وہ اس بات کو یقینی بنائیں کہ پارٹی علاقے میں نمبر ایک پارٹی بن کر ابھرے ۔
مسٹر امیت شاہ نے یہ انتخابی مہم او ایم آر کے مانڈیا سے ایک مقصد کے ساتھ شروع کی ہے ۔
گزشتہ لوک سبھا اور ریاستی اسمبلی انتخابات کے نتائج سے متعلق اعداد و شمار کے مطابق او ایم آر کے کانگریس اور جنتا دل (ایس) جے ڈی ایس کے گڑھ کی حیثیت ختم ہورہی ہے ۔ 2019 کے لوک سبھا انتخابات میں، بی جے پی نے کانگریس اور جے ڈی ایس کے مقابلے ، خطے میں 8.5 لاکھ سے زیادہ ووٹ حاصل کرکے جیت حاصل کی تھی۔ او ایم آر کے تحت آنے والی 11 لوک سبھا سیٹوں میں سے ، بی جے پی کو 73.8 لاکھ (50.4 فیصد) ووٹ ملے ، جب کہ کانگریس اور جے ڈی ایس کو 65.1 لاکھ ووٹ (44 فیصد) ملے تھے ۔
2018 کے اسمبلی انتخابات میں بی جے پی کو 104 اور کانگریس کو 78 سیٹیں ملی تھیں۔ 200 سے زیادہ سیٹوں پر مقابلہ کرنے کے باوجود جے ڈی ایس صرف 37 سیٹوں کے ساتھ تیسرے نمبر پر رہی۔ جے ڈی ایس نے 2004 میں 58 سیٹیں جیتی تھیں، جو اس کی اب تک کی بہترین کارکردگی تھی۔