وزیر اعظم کے بھائی پرہلاد مودی اور ان کا خاندان میسور کے قریب سڑک حادثے میں زخمی

میسور// وزیر اعظم نریندر مودی کے بھائی پرہلاد مودی اور ان کے خاندان کے کچھ افراد منگل کو کرناٹک میں ایک سڑک حادثے میں زخمی ہو گئے لیکن وہ محفوظ ہیں۔
پولیس نے بتایا کہ مسٹر مودی کی کار آج دوپہر میسور ضلع کے کڈاکولا کے قریب حادثے کا شکار ہوگئی۔ انہیں فوری طور پر ہسپتال لے جایا گیا۔
میسور کی سپرنٹنڈنٹ آف پولیس سیما لاٹکر حادثے کی اطلاع ملتے ہی جائے واقع پر پہنچ گئیں۔ واقعہ کی اطلاع فوری طور پر کرناٹک کے وزیر اعلی بسواراج بومئی کے دفتر کو بھی بھیج دی گئی۔
اسپتال کے ذرائع کے مطابق مسٹر پرہلاد مودی اور ان کے خاندان کے افراد کو چوٹیں آئی ہیں لیکن وہ محفوظ ہیں۔
کرناٹک حکومت کے وزیر ایس ٹی سوماشیکر حادثے کی اطلاع ملتے ہی فوری طور پر میسور روانہ ہوگئے ۔ وزیراعظم کے اہل خانہ کے اسپتال پہنچنے کے بعد انتظامیہ نے وہاں سیکیورٹی بڑھا دی۔