مہاراشٹر میں مسلمانوں کو ریزرویشن فراہمی پر سماج وادی پارٹی کا اسمبلی میں احتجاج

ناگپو// ناگپور مسلمانوں کو پانچ فیصد ریزرویشن کی فراہمی کو یقینی بنایا جائے رنگا ناتھ مشرا کمیٹی, محمود الرحمن کمیٹی سمیت دیگر کمیٹیوں نے مسلمانوں کی حالت زار پر رپورٹ پیش کی ہے اور انہیں تمام شعبہ جات میں ریزرویشن دینے کی سفارش کی ہے لیکن اس کے باوجود اب تک مسلمانوں کو ریزرویشن کی فراہمی نہیں کی گئی ہے اور جس وقت کانگریس اور این سی پی کی سرکار تھی تو اس نے بھی ریزرویشن فراہمی کا وعدہ کیا تھا لیکن وہ وفا نہیں کیا گیا ہے اس لئے آج مسلمانوں کو ریزرویشن فراہم کئے جانے پر مہاراشٹر سماجوادی پارٹی لیڈر و رکن اسمبلی ابوعاصم اعظمی نے سیڑھیوں پر بینر اٹھا کر احتجاج کیا ان کے ہمراہ ایس پی کے رکن اسمبلی رئیس شیخ بھی تھے ۔
ابوعاصم اعظمی نے کہا کہ کانگریس این سی پی کی سرکار میں مسلمانوں کو ریزرویشن دینے کا وعدہ کیا گیا تھا لیکن اب تک مسلمانوں کو ریزرویشن نہیں دیا گیا ہے انہوں نے کہا کہ مسلمانوں کو ریزرویشن کو یقینی بنایا جائے کیونکہ تمام کمیٹیوں نے بھی اس کی سفارش کی ہے اس لئے ہمارا وزیر اعلی ایکناتھ شندے سے مطالبہ ہے کہ مسلمانوں کو تعلیمی میدان میں پانچ فیصد ہائیکورٹ نے جو ریزرویشن بحالی کی ہدایت دی تھی اسے برقرار رکھا جائے اور تمام شعبہ حیات میں باضابطہ طور پر ریزرویشن فراہمی کو یقینی بنایا جائے ۔ ریزرویشن کی فراہمی کیلئے سماجوادی پارٹی ایوان اسمبلی سے لے کر سڑکوں تک احتجاج کر رہی ہے اور اس پر مسلسل احتجاج جاری رہے گا جب تک مسلمانوں کو ریزرویشن کی فراہمی نہیں ہوتی ہم احتجاج کرتے رہیں گے ۔