رونالڈو کے بعد اب میسی کا انڈے سے مقابلہ شروع

دوحہ//
فیفا ورلڈکپ 2022ء جیتنے والے ارجنٹینا کے کپتان لیونل میسی کا مقابلہ اب رونالڈو کے بجائے ایک انڈے سے شروع ہوگیا۔
ہوا کچھ یوں کہ ورلڈکپ جیتنے کے بعد لیونل میسی کی جانب سے کی گئی پوسٹ انسٹاگرام پر سب سے زیادہ پسند کی جانے والی پوسٹ بن گئی۔
فیفا ورلڈکپ ٹرافی اٹھائے میسی کی ان تصاویر کو فوٹوز اینڈ ویڈیو شیئرنگ ایپ پر اب تک 69 کروڑ سے زائد لوگ پسند کر چکے ہیں جبکہ اس میں اب بھی اضافہ جاری ہے۔
لیونل میسی کی پوسٹ سے قبل انسٹاگرام پر کسی بھی کھلاڑی کی سب سے زیادہ پسند کی جانے والی پوسٹ کرسٹیانو رونالڈو کی وہ پوسٹ تھی جس میں انہوں نے اپنی اور میسی کی شطرنج کھیلتے ہوئے تصویر شیئر کی تھی۔
تاہم رونالڈو کی اس پوسٹ سے بھی زیادہ پسند کی جانے والی ورلڈ ریکارڈ پوسٹ ایک انڈے کی تھی۔
جی ہاں آپ نے بالکل درست پڑھا، ورلڈکپ جیتنے کے بعد کی گئی میسی کی پوسٹ نے اُسی سب سے زیادہ پسند کی جانے والی پوسٹ کا ریکارڈ توڑا تھا۔
’ورلڈ ریکارڈ ایگ‘ نامی اس اکاؤنٹ سے 4 جنوری 2019 کو شیئر کی گئی اس پوسٹ کو 57 کروڑ سے زائد لوگوں نے پسند کیا تھا۔