امریکا میں سعودی ولی عہد محمد بن سلمان کیخلاف صحافی حاشقجی قتل کیس خارج

واشنگٹن//
امریکی جج نے سعودی ولی عہد محمد بن سلمان کے خلاف جمال خاشقجی قتل کیس خارج کر دیا۔
برطانوی میڈیا کے مطابق امریکی ڈسٹرکٹ جج جان بیٹس کا کہنا ہے کہ سعودی ولی عہد کو جمال خاشقجی کیس میں قابل بھروسہ الزامات کے باوجود استثنیٰ حاصل ہے، میرےہاتھ بائیڈن انتظامیہ کی حالیہ سفارشات کے باعث بندھے ہوئے ہیں۔
یاد رہے کہ سعودی صحافی جمال خاشقجی کو 2018 میں ترکیہ میں واقع سعودی سفارت خانے میں قتل کیا گیا تھا اور سعودی صحافی جمال خاشقجی کے قتل کیس کو ان کی منگیتر نے عدالت میں چیلنج کیا تھا۔
برطانوی میڈیا کا کہنا ہے کہ جمال خاشقجی کیس خارج کیے جانے کے بعد سعودی ولی عہد اب آزادانہ امریکا جا سکیں گے۔