میچ میں کسی بھی لمحہ سی ایس کے نے بہترمحسوس نہیں کیا: فلیمنگ

ممبئی// چنئی سپر کنگز کے ہیڈ کوچ اسٹیفن فلیمنگ نے جمعرات کو 2022 آئی پی ایل کے سنسنی خیز میچ میں لکھنؤ سے ہارنے کے بعد دلیل دی کہ اوس نے مقابلے کو یکطرفہ بنادیا اوران کے اسپنروں کوپوری طرح سے کھیل سے باہر کردیا انہوں نے کہا کہ 210 تک پہنچنے کے لئے ٹیم نے اچھی کارکردگی کا مظاہرہ کیا، لیکن ٹیم نے میچ میں کسی بھی لمحے بہترمحسوس نہیں کیا۔
فلیمنگ نے کہا، "ہم اس حقیقت سے آگاہ تھے کہ جیسے جیسے وقت گزرے گا، حالات ہمارے خلاف ہوتے چلے جائیں گے۔ ہم جانتے تھے کہ ہمیں ہر لمحہ درست رہناتھا۔ گیلا میدان ہونے کی وجہ سے اسپنرس کے لئے گیند کو گرپ کرنے کے ساتھ ساتھ موثر گیندبازی کرنا کافی مشکل ثابت ہورہاتھا۔
کوچ نے کہا، ’’ہمیں معلوم تھا کہ ہمیں صرف ایک اوور کا انتخاب کرنا ہے۔ ہم آخر میں مناسب رن ریٹ بنانے کی امید کر رہے تھے، تاکہ ہم درمیان میں کسی تیزگیندباز یا اسپنرمیں کسی ایک کو اٹیک پرلا سکیں۔ اس دوران شیوم دوبے کو استعمال کرنے کا فیصلہ کیاگیا، لیکن لکھنؤ نے اچھی طرح سے مقابلہ کیا۔
اگرچہ چنئی نے میچ میں شاندار بلے بازی کی، لیکن اسکور بورڈ پر 210 رنز لگانے کے باوجود، فلیمنگ یہ جانتے تھے کہ ہدف کادفاع کرپانا سی ایس کے لیے کافی مشکل رہنے والا ہے، کیونکہ حالات بعد میں بلے بازی کرنے والی ٹیم کے حق میں تھے۔
قابل ذکر ہے کہ اہم کھلاڑیوں کی چوٹ چنئی کے لیے پریشانی کا سبب بنی ہوئی ہے۔ ٹیم کے سرکردہ تیزگیندبازدیپک چاہر کو انجری سے صحت یاب ہونے میں مزید چند ہفتے لگیں گے۔ وہیں کرس جارڈن اور ایڈم ملنے بھی زخمی ہیں۔ کل شام سی ایس کے نے گیندبازی کی شروعات 25 سالہ تیزگیندباز مکیش چودھری اورتشاردیش پانڈے سے کرائی اورآئی پی ایل کے لحاظ سے دونوں ہی گیندبازوں کے پاس تجربے کی کافی کمی ہے۔
فلیمنگ نے اس بارے میں کہا، ’’ہمارے پاس کچھ نوجوان کھلاڑی ہیں۔ مکیش پہلی بار کھیل رہے تھے، دیش پانڈے اس سے پہلے کھیل چکے تھے، لیکن میں جانتا تھا کہ ایسے حالات میں گیندبازی کرنا دونوں ہی گیند بازوں کے لیے مشکل ہوگا۔ مجھے لگتاہے کہ ہم دس اوور کے بعد سے اٹیکنگ کے بجائے دفاعی انداز میں بولنگ کرنے لگے۔