گائیکواڑ ایک اوور میں سات چھکے لگانے والے پہلے بلے باز بنے

احمد آباد// مہاراشٹر کے روتوراج گائیکواڑ پیر کو وجے ہزارے ٹرافی کے کوارٹر فائنل میں اتر پردیش کے خلاف ایک اوور میں سات چھکے لگانے والے لسٹ اے کرکٹ کے پہلے بلے باز بن گئے۔
گایکواڑ نے یہ ریکارڈ شیوا سنگھ کے49ویں اوور میں حاصل کیا۔
اس اوور کی پانچویں گیند نو بال ہونے کی وجہ سے شیوا کو کل سات گیندیں کرنی پڑیں۔ گایکواڑ نے اوور میں تمام گیندوں پر چھکے لگا کر مجموعی طور پر 43 رنز جوڑے۔
اسی اوور میں گایکواڈ نے اپنی ڈبل سنچری بھی مکمل کی۔ مہاراشٹر کی جانب سے اننگز کا آغاز کرنے والے گائکواڑ نے 159 گیندوں پر 10 چوکوں اور 16 چھکوں کی مدد سے ناٹ آوٹ 220 رنز بنائے اور اپنی ٹیم کو 50 اوورز میں 330 رن تک پہنچایا۔