تو صاحب خبر یہ ہے کہ روز گزشتہ… یعنی اتوار کو اپنے شہر خستہ میں میڈم جی… میڈم محبوبہ جی جلال میں تھیں… چند ایک ہزار لوگوں کا مجمع دیکھ کر میڈم جی اپنے اعصاب پر قابو نہیں رکھ سکیں اور… اور ان کے منہ میں جو کچھ بھی آیا کہہ ڈالا… اللہ میاں کی قسم ہمیں کوئی اعتراض نہیں ہے اور… اور بالکل بھی نہیں ہے …کہ میڈم جی کا یہ حق ہے کہ وہ اپنی بات ‘ اپنے خیالات لوگوں تک پہنچائیں … میڈم جی ایسا کریں اور… اور شوق سے کریں ۔لیکن صاحب یہ کیا بات ہو ئی کہ میڈم جی باتوں باتوں میں وہ باتیں بھی کہہ ڈالے جس کی کوئی بنیاد نہیں ہے اور… اور بالکل بھی نہیں ہے ۔ میڈم جی کہہ سکتی ہیں کہ مرکز نے ۳۷۰ ہٹاکر کشمیریوں کا اعتماد توڑاگیا ‘میڈم جی کہہ سکتی ہیں کہ مرکز کو ایسا نہیں کرنا چاہئے ‘وہ کہہ سکتی ہیں کہ اس سے فائدہ کم اور نقصان زیادہ ہو گیا… حتیٰ کہ میڈم جی یہ تک کہہ سکتی ہیں کہ … کہ جو راستہ اس دفعہ کو منسوخ کرنے کیلئے اختیار کیا گیا‘وہ صحیح نہیں تھا ‘ وہ قانونی نہیںتھا… میڈم جی اگر یہ سب کہتی ہیں تو … تو اللہ میاں کی قسم ہمیں کوئی اعتراض نہیں ہے… بالکل بھی نہیں ہے ۔لیکن… لیکن میڈم جی ایسا نہیں کہہ رہی ہیں بلکہ یہ کہہ رہی ہیں کہ مرکز نے جموں کشمیر سے جوکچھ بھی چھین لیا ہے ‘اسے وہ لوٹاناپڑے گا… سود سمیت لوٹا ناپڑے گا … چلئے میڈم جی کو اگر ایسا لگتا ہے تو… تو ایسا ہی سہی… لیکن… لیکن میڈم جی یہ نہیں کہتی ہیں… لوگوں کو یہ نہیں بتاتی ہیں کہ ایسا کیسے ہو گا… مرکز کو کون وہ سب کچھ سو د سمیت لوٹانے پرمجبور کرے گا جو اس نے ہم سے چھین لیا ہے… یعنی ۳۷۰۔میڈم جی یہ ایک بات لوگوں سے شیئر نہیں کررہی ہیںاور… اور اس لئے نہیںکررہی ہیں کیونکہ انہیںخود بھی معلوم ہے کہ … کہ ایسا ویسا کچھ ہونے والا نہیںہے… اور بالکل بھی نہیں ہے ۔اگر ایسا کچھ ہونے والا ہو تا تو… تو میڈم جی یقینا اس کا روڑ میپ کشمیر کے لوگوں کے ساتھ شیئر کرتیں…شیئر اس لئے نہیں کرتیں… میڈم جی شیئر اس لئے نہیں کرتیں کیونکہ وہ جانتی ہیں کہ وہ اب دفعہ ۳۷۰ کی منسوخی پر لوگوں کو بے وقوف بنارہی ہیں… اسی طرح جس طرح انہوں نے ماضی میں لوگوں کو بہت ساری باتوں پر ‘ بہت سارے نعروں پر بے وقوف بنایا… اور اسی لئے میڈم جی نے اتوارکو جو کہا ‘ وہ سب کیسے حاصل ہو گا ‘ اس کا کوئی خلاصہ نہیں کیا اور… اور اس لئے نہیں کیا کہ بھلا کوئی لوگوں کو بے وقوف بنانے کے روڑ میپ کا خلاصہ کرتا ہے ۔ہے نا؟
