فیفا 2022 عالمی کپ: ایک اور سرپرائز فتح، جاپان نے 2۔1 سے جرمنی کو شکست دے دی

دوحہ//سعودی عرب کے ارجنٹائن کو شکست دینے کے بعد ایک اور سرپرائز کامیابی میں جاپان نے 2۔1 سے جرمنی کو پیچھے چھوڑ دیا
2022 عالمی فٹبال کپ میں سعودی عرب کے ارجنٹائن کو شکست دینے کے بعد دنیا کو ایک اور سرپرائز فتح دیکھنے کو مِلی۔ای گروپ کے افتتاحی میچ میں جاپان نے 2۔1 سے جرمنی کو شکست دے دی۔
پہلے ہالف کے 33 ویں منٹ میں جرمنی نے ‘ اِلک دوعان’ کی پینلٹی شارٹ سے گول کر کے برتری حاصل کر لی اور پہلا ہالف 0۔1 سے ختم ہوا۔
میچ کے آخری لمحات میں جاپان نے بالکل سعودی عرب ۔ارجنٹائن میچ کی طرح سعودی عرب کی حکمت عملی اختیار کی اور 75 ویں منٹ میں رِٹسو ڈون نے گول کر کے میچ برابر کر دیا۔
میچ کے 83 ویں منٹ میں تاکوما آسانو نے دوسرا گول کر کے ٹیم کو برتری دِلوا دی۔اس فتح کے ساتھ جاپان نے گروپ میں اپنے میچوں کا آغا 3 پوائنٹ سے کیا ہے۔
واضح رہے کہ جاپان نے عالمی کپ کی تاریخ میں پہلی دفعہ کسی میچ میں مغلوبیت کے بعد غالبیت حاصل کی ہے۔
علاوہ ازیں جرمنی نے سابقہ 2 عالمی کپوں کو بھی مغلوبیت سے شروع کیاتھا۔ لیکن اس سے قبل کے 18 ٹورنامنٹوں میں صرف ایک کا افتتاحی میچ ایسا تھا جس میں جرمنی کو شکست ہوئی تھی۔