نئی دہلی// انٹرنیشنل روڈ فیڈریشن (آئی آر ایف) نے مرکزی وزیر خزانہ نرملا سیتا رمن سے اپیل کی ہے کہ وہ دو پہیہ گاڑیوں کے سواروں کے لیے جان بچانے والے آلات پر جی ایس ٹی کو 18 فیصد سے کم کر کے صفر کر نے کی اپیل کی۔
آئی آر ایف کے صدر ایمریٹس کے کے کپیلا نے محترمہ سیتارمن کو لکھے گئے خط میں کہا کہ سڑک ٹریفک حادثات ایک عالمی خطرہ ہے ۔ اعداد و شمار تقریباً ظاہر کرتے ہیں کہ ہر سال تقریباً 500,000 سڑک حادثات ہوتے ہیں، جس کے نتیجے میں 150,000 سے زیادہ لوگ مارے جاتے ہیں اور 500,000 سے زیادہ زخمی ہوتے ہیں، جن میں سے کچھ مستقل معذوری کا باعث بنتے ہیں۔ ان میں سے ایک بڑا حصہ 18 سے 45 سال کی عمر کے گروپ کے ہیں ۔ دو پہیہ گاڑیوں کے سوار، سب سے زیادہ کمزور ہونے کی وجہ سے ، بنیادی طور پر سر کی چوٹ کی وجہ سے سڑک حادثے میں ہونے والی اموات کا بڑا حصہ ہوتے ہیں۔
انہوں نے کہا کہ معیاری ہیلمٹ کا استعمال دو پہیہ گاڑیوں کے حادثات میں چوٹوں اور اموات کو کم کرنے کے لیے موثر ترین اقدامات میں سے ایک ہے تاہم ملک میں ہیلمٹ کا استعمال کم پایا گیا ہے ۔ ہندوستان کو ٹریفک حادثات، زخمیوں اور اموات کے بڑھتے ہوئے بوجھ کا سامنا ہے ۔ سڑک ٹرانسپورٹ اور شاہراہوں کی وزارت کے ٹرانسپورٹ ریسرچ ونگ کی ایک رپورٹ کے مطابق، ہندوستان بھر میں 480,652 سڑک حادثات میں سے 2019 میں کل 151,113 افراد ہلاک ہوئے ، اوسطاً 414ایک دن یا ایک گھنٹے میں 17 لوگ مارے گئے ہیں۔