ہندوستان اور فرانس کی فضائی افواج کے درمیان گڑوڑ مشق اختتام پذیر

نئی دہلی//ہندوستان اور فرانس کی فضائی افواج کے درمیان تال میل کو بڑھانے اور تجربات کے باہمی اشتراک کے لئے منعقد کی گئی مشق گروڑ ہفتہ کو جودھ پور میں اختتام پذیر ہوئی۔
یہ دونوں ممالک کی فضائی افواج کے درمیان گروڑ مشق کا ساتواں ایڈیشن تھا جس میں دونوں فضائی افواج کے جدید ترین لڑاکا طیاروں اور ہیلی کاپٹروں نے حصہ لیا۔
فرانس سے ہی خریدے گئے رافیل لڑاکا طیاروں کے علاوہ سکھوئی، تیجس، جیگوار اور ہلکے جنگی ہیلی کاپٹر پراچندا نے مشق میں اپنی طاقت کا مظاہرہ کیا۔ فرانسیسی فضائیہ کے رافیل اور ملٹی پرپز ٹینکر ٹرانسپورٹ طیارے اور دیگر طیاروں نے اپنی مہارت دکھائی۔
مشق کے دوران دونوں فضائی افواج کے افسران نے پیشہ ورانہ بات چیت کے ساتھ آپریشنل تجربے اور علم کا تبادلہ کیا۔ مشق کے مختلف مراحل میں دونوں فضائی افواج کے اہلکاروں نے اپنی جنگی مہارتوں کا مظاہرہ کیا۔ ثقافتی پروگراموں میں دونوں ممالک کی فضائیہ کے جوانوں نے بھی شرکت کی۔