کرائم برانچ نے فرضی سیول انجینئر کیخلاف چارج شیٹ پیش کی

سرینگر//
کرائم برانچ کشمیر نے فرضی سیول انجینئر کے خلاف دھوکہ دہی کے معاملے میں عدالت مجاز میں چارج شیٹ پیش کی ہے ۔
سرکاری ذرائع نے بتایا کہ نقلی سیول انجینئر راجندر پنڈتا عرف راجو ساکن جموں کے خلاف سرینگر کی ایک عدالت میں چارج شیٹ دائر کی گئی۔
ذرائع نے بتایا کہ سائل نے تحریری طورپر شکایت درج کی کہ راجندر پنڈتا نامی شخص نے بلڈنگ پرمشن کے حصول کی خاطر اُ س سے رقم اینٹھ لی ۔
کرائم برانچ کشمیر کی اکنامک آفینس ونگ نے معاملے کی تحقیقات کی جس دوران معلوم ہوا ہے کہ راجندر پنڈتا اپنے آپ کو سیول انجینئر کے طور پر پیش کرکے لوگوں کو بلڈنگ پرمشن فراہم کرنے کے عوض اُن سے بھاری مقدار میں رقومات اینٹھ لیتا تھا۔
اُن کے مطابق جعلی سیول انجینئر کے خلاف دفعہ ۴۲۰کے تحت کیس درج کیا گیا اور اُس کے خلاف آج باضابط طورپر عدالت مجاز میں چارج شیٹ پیش کی گئی ۔