پٹن//
شمالی کشمیر کے بارہمولہ ضلع میں ایک ۴۸ سالہ شخص کو چلتی ٹرین نے کچل کر ہلاک کر دیا۔
ایک پولیس اہلکار نے ایک مقامی خبر رساں ایجنسی کو بتایا کہ بانہال سے بارہمولہ جانے والی ٹرین کی ہامرے سیکشن کے قریب ایک شخص کی ٹکر سے موقع پر ہی موت ہو گئی۔
اہلکار نے اس کی شناخت غلام نبی پیری ولد غلام محمد ساکنہ اندرگام پٹن کے طور پر کی۔ان کا کہنا تھا کہ اس کی لاش کو ہسپتال لے جایا گیا۔انہوں نے مزید کہا کہ طبی عمل مکمل ہونے کے بعد اسے آخری رسومات کے لیے قانونی ورثاء کے حوالے کر دیا جائے گا۔
دریں اثناء ایک پولیس اہلکار نے کے این او کو بتایا کہ اس سلسلے میں مقدمہ درج کر کے مزید تفتیش شروع کر دی گئی ہے۔