نئی دہلی//
فوج کا ایک جدید ہلکا ہیلی کاپٹر آج اروناچل پردیش کے ایک دور افتادہ علاقے میں گر کر تباہ ہو گیا، جس میں سوار پانچ میں سے چار اہلکاروں کی موت ہو گئی۔
فوج کے مطابق یہ حادثہ صبح۴۳:۱۰بجے اس وقت پیش آیا جب ہیلی کاپٹر اروناچل پردیش کے اپر سیانگ ضلع میں ٹیک آف کر رہا تھا۔
تباہ شدہ ہیلی کاپٹر کا پتہ لگانے کیلئے فضائیہ اور فوج کی مشترکہ ریسکیو ٹیموں نے فوری طورپر تلاشی مہم شروع کی جس میں ایک ایم آئی۔۱۷؍اور دو جدید ہلکے ہیلی کاپٹر اور فوج کی تین ٹکڑیاں شامل تھیں۔
فوج کی جانب سے بتایا گیا ہے کہ ہیلی کاپٹر میں پانچ افراد سوار تھے جن میں سے چار کی لاشیں مل گئی ہیں۔حادثے کی وجہ تاحال معلوم نہیں ہوسکی ہے مزید تفصیلات کا انتظار ہے ۔