داؤدی او ر ویری کے بعد سرجان برکاتی بھی گرفتار

سرینگر//
معروف علماء مولانا عبدالرشید داؤدی اور مشتاق احمد ویری کو پبلک سیفٹی ایکٹ کے تحت گرفتار کرنے کے دو روز بعد ہفتے کی صبح مشہور مذہبی مبلغ سرجان برکاتی کو شوپیاں میں گرفتار کیا گیا۔
بتادیں کہ معروف مذہبی علماء کی گرفتاری پر مین اسٹریم سیاسی پارٹیوں کے لیڈران نے شدید برہمی کا اظہار کیا ہے ۔ذرائع نے بتایا کہ ہفتے کی صبح برکاتی کو گرفتار کیا گیا۔
خاندانی ذرائع نے بتایا کہ ہفتے کی صبح چھ بجکر ۴۵منٹ پر سرجان برکاتی کو پولیس نے حراست میں لیا۔انہوں نے بتایا کہ سرجان برکاتی کو اکتوبر۲۰۲۰میں چار سال کی نظر بندی کے بعد رہا کیا گیا تھا تب سے انہوں نے کسی بھی احتجاج میں حصہ نہیں لیا اور نہ ہی کوئی تقریر کی ۔
اُن کے مطابق وہ یہ سمجھنے سے قاصر ہیں کہ سرجان برکاتی کو کس جرم میں گرفتار کیا گیا۔
واضح رہے کہ گزشتہ روز مولانا عبدالرشید داودی، مشتاق احمد ویری سمیت پانچ افراد کو پبلک سیفٹی ایکٹ کے تحت گرفتار کرکے جموں منتقل کیا گیا تھا۔