ریاسی میں دو منشیات فروشوں پر پی ایس اے کے تحت مقدمہ درج

جموں//
پولیس کا کہنا ہے کہ جموں کے ریاسی ضلع میں دو منشیات فروشوں پر پبلک سیفٹی ایکٹ (پی ایس اے ) کے تحت مقدمہ درج کیا گیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ معاشرے سے منشیات کی بدعت کی بیخ کنی اور اس کے خلاف سخت کارروائیاں جاری رکھتے ہوئے ریاسی پولیس نے دو بدنام زمانہ منشیات فروشوں پر پی ایس اے کے تحت مقدمہ درج کیا ہے ۔
بیان میں کہا گیا’’دونوں ملزمان این ڈی پی ایس کیسوں میں ملوث تھے اور ضلع ریاسی کے نوجوانوں کو نشہ آور مواد فراہم کرکے منشیات کے کاروبار کو فروغ دے رہے تھے ‘‘۔
پولیس نے منشیات فروشوں کی شناخت انیت کمار عرف رینکو اور مایا میر ساکنان کٹرا کے بطو رکی۔ان کا کہنا تھا کہ دونوں ملزمان ضلع جیل ریاسی میں بند ہیں۔
پولیس بیان میں کہا گیا کہ ریاسی کے لوگوں نے پولیس کی منشیات کے خلاف جاری سخت کارروائیوں کی سراہنا کی ہے ۔