بارہمولہ اور بانہال کے دورمیان ۲؍اکتوبر سے برقی رو سے چلنے والی ٹرین کا افتتاح ہو گا

نئی دہلی//
جموں کشمیر ریل لنک کے۱۳۷ کلومیٹر طویل بانہال،بارہمولہ گلیارے پر امسال ۲؍ اکتوبر سے برقی ٹرین چلنا شروع ہوجائیگی ۔
ہندوستانی ریلوے حکام نے بتایا کہ اس منصوبے پر اگست ۲۰۱۹ سے کام جاری ہے۔
ریلوے حکام نے بتایا کہ الیکٹرک ریل لنک کا لازمی پرنسپل چیف الیکٹریکل انجینئر (پی سی ای ای ) معائنہ۲۶ ستمبر کو ہوگا اور گاندھی جینتی پر اس پروجیکٹ کا افتتاح کیا جائے گا۔
ذرائع نے بتایا’’۱۳۷ کلومیٹر طویل الیکٹرک ٹرین لنک کے بارہمولہ،بڈگام حصے پر ٹرائلز پہلے ہی مکمل ہو چکے ہیں جبکہ بقیہ بڈگام،بانہال حصے پر ٹرائل ۲۰ ستمبر کو کیا جائے گا‘‘۔
ذرائع نے مزید کہا کہ بانہال سے بارہمولہ تک ٹرین لنک بجلی کے منصوبے کی لاگت ۳۲۴ کروڑ روپے ہے۔
بانہال،بارہمولہ ریل لنک کے برقی ہونے سے فضائی آلودگی میں کمی آئے گی اور اس سے آپریشنل لاگت میں۶۰ فیصد کمی کی توقع ہے۔