ویلنگٹن//کپتان میگ لیننگ (135) کی شاندار سنچری کی بدولت آسٹریلیا کی خواتین کرکٹ ٹیم نے منگل کو یہاں جنوبی افریقہ کو پانچ وکٹوں سے شکست دے کر 2022 کے آئی سی سی خواتین کرکٹ ورلڈ کپ میں مسلسل چھٹی جیت درج کی۔
آسٹریلیا نے ٹاس جیت کر باؤلنگ کرنے کا فیصلہ کیا، اگرچہ جنوبی افریقہ نے لورا ولوارڈٹ (90) اور کپتان سن لوس (52) کی نصف سنچریوں کی بدولت 50 اوورز میں 5 وکٹوں پر 271 رنز کا چیلنجنگ اسکوربنادیا، لیکن آسٹریلیا نے کپتان لیننگ کی ناٹ آوٹ سنچری کی بدولت 45.2 اوورز میں پانچ وکٹوں پر 272 رنز بنا کر یک طرفہ انداز میں میچ جیت لیا۔
لیننگ نے 130 گیندوں پر 15 چوکوں اور ایک چھکا کی مدد سے ناقابل شکست 135 رنز بنائے۔ میچ وننگ اننگ کے لئے لیننگ کو پلیئرآف دی میچ قرار دیا گیا۔ اس سے قبل بولنگ میں ایلانا کنگ، اینابیل سدرلینڈ، ایشلے گارڈنر، جیس جوناسن اور میگن شٹ نے ایک ایک وکٹ لیا۔
جنوبی افریقہ کی جانب سے وولوارڈٹ نے 134 گیندوں پر چھ چوکوں کی مدد سے 90 اور لوس نے 51 گیندوں میں چھ چوکوں کی مدد سے 52 رنز بنائے۔ بولنگ میں چلو ٹریون اور شبنم اسماعیل نے دو دو وکٹیں حاصل کیں۔
آسٹریلیا اس جیت سے پہلے ہی اچھی حالت میں تھا اور پلے آف کے لیے کوالیفائی کر چکا تھا۔ اس جیت کے ساتھ اس کی پوزیشن مزید مضبوط ہو گئی ہے۔ دوسری جانب جنوبی افریقہ ٹورنامنٹ کا پہلا میچ ہارا ہے اور پانچ میں سے چار میچ جیت کر آٹھ پوائنٹس کے ساتھ دوسرے نمبر پر ہے۔
(یواین آئی)