کے ایل راہل مکمل طور پرفٹ، دورہ زمبابوے پر ٹیم کی کپتانی کریں گے

ممبئی// ہندوستانی مرد کرکٹ ٹیم کے اوپنر کے ایل راہل دورہ زمبابوے پرٹیم کی کپتانی کریں گے۔
بی سی سی آئی نے جمعرات کو یہ اعلان کیا۔
بورڈ آف کنٹرول فار کرکٹ ان انڈیا (بی سی سی آئی) نے زمبابوے کے دورے کے لیے ٹیم کا اعلان کرتے ہوئےکہا، "بی سی سی آئی کی میڈیکل ٹیم نے کے ایل راہل کی حالت کا جائزہ لیا ہے اور انہیں زمبابوے کے خلاف تین میچوں کی ون ڈے سیریز کے لیے فٹ قرار دیا ہے۔”
بورڈ نے کہا، "سلیکشن کمیٹی نے انہیں ٹیم کا کپتان منتخب کیا ہے اور شکھر دھون کو نائب کپتان کی ذمہ داری دی ہے۔”
اس کے علاوہ واشنگٹن سندر اور دیپک چاہر کو بھی مکمل صحت یاب ہونے کے بعد ٹیم میں شامل کیا گیا ہے۔
اس دورے پر ٹیم کے سینئر کھلاڑیوں کو آرام دیا گیا ہے جو 28 اگست سے متحدہ عرب امارات (یو اے ای) میں ہونے والے ایشیا کپ کی تیاری کریں گے۔
تین ون ڈے میچوں کے لیے ہندوستانی ٹیم: کے ایل راہل (کپتان)، شکھر دھون (نائب کپتان)، رتوراج گائیکواڑ، شبمن گل، دیپک ہڈا، راہل ترپاٹھی، ایشان کشن (وکٹ کیپر)، سنجو سیمسن (وکٹ کیپر)، واشنگٹن سندر، شاردل ٹھاکر، کلدیپ یادو، اکشر پٹیل، اویش خان، پرسدھ کرشنا، محمد سراج، دیپک چاہر۔