اقوام متحدہ میں سعودی عرب کے سفیرگیارہ سال بعد سبکدوش، الواصل نئے سفیر مقرر

جنیوا///
اعلیٰ پیشہ ورانہ مہارت اور کام میں اخلاص کے ساتھ 11 سال کے کیریئر کے بعد سعودی سفیر عبداللہ المعلمی نے سفارت کاری کا میدان چھوڑ دیا ہے۔ ان کی سبکدوشی کے بعد ان کی جگہ ڈاکٹر عبدالعزیز بن محمد الواصل کواقوام متحدہ میں سعودی عرب کا نیا سفیر مقرر کیا گیا ہے۔
نیویارک میں اقوام متحدہ میں سعودی عرب کے مستقل نمائندے المعلمی کی جگہ سفیر ڈاکٹر عبدالعزیز بن محمد الواصل نے اپنی اسناد اقوام متحدہ کے سیکرٹری جنرل انتونیو گوتریس کو پیش کیں۔
اس عہدے سے قبل الواصل 2016 سے جنیوا میں اقوام متحدہ میں مملکت کے سفیر اور مستقل نمائندے کے عہدے پر فائز تھے۔
یہ بات قابل غور ہے کہ سفیر عبداللہ المعلمی نے اقوام متحدہ میں اپنے دور میں خطے میں بہت سے بحرانوں کا مشاہدہ کیا، خاص طور پر یمن کا بحران، جس میں انہوں نے بارہا سعودی عرب کی طرف سے جنگ کے خاتمے کی خواہش اور یمنی عوام کی مدد کے عزم کے کو دہرایا۔
سفیر المعلمی نے اقوام متحدہ میں اپنے دور میں کئی اہم عہدوں پر فائز رہے، جہاں انہوں نے بعض عرب ممالک جیسے لیبیا اور عراق میں مملکت کی جانب سے بیرونی مداخلت کو مسترد کرنے اور شامی عوام کے مصائب کے خاتمے کی ضرورت پر زور دیا۔ وہ ہمیشہ مسئلہ فلسطین کے پرامن حل پر بات کرتے اور سعودی عرب کے فلسطین کے حوالے سے اصولی موقف کی ترجمانی کرتے۔
سفیر المعلمی نے اس بات پر بھی زور دیا کہ روہنگیا کا مسئلہ ان مسائل میں سے ایک ہے جسے مملکت بہت اہمیت دیتی ہے۔ ان کا کہنا تھا کہ میانمار میں دیگر اقلیتوں کے ساتھ مسلمان اقلیت پرمظالم باعث تشویش ہیں۔ انہوں نے میانمار میں انسانی حقوق کی خلاف ورزیوں، ظلم و ستم اورلوگوں کو بے گھر کرنے کی کھل کر مذمت کی۔
سفیر عبداللہ بن یحیی المعلمی 5 مئی 1952 کو القنفذہ شہر میں پیدا ہوئے اور انہوں نے ابتدائی اور درمیانی تعلیم مکہ المکرمہ اور دارالحکومت ریاض دونوں میں حاصل کی۔ انہوں نے 1973 میں امریکا کی اوریگن سٹیٹ یونیورسٹی سے کیمیکل انجینیرنگ میں بیچلر آف سائنس کی ڈگری حاصل کی، اس کے علاوہ 1983 میں امریکا کی سٹینفورڈ یونیورسٹی سے مینجمنٹ میں ماسٹر آف سائنس کی ڈگری حاصل کی۔
المعلمی نے سفارتی، سرکاری اور نجی شعبوں میں بہت سے قائدانہ کاموں اور عہدوں پر فائز رہے، اور 2007 اور 2011 کے درمیان بیلجیئم، لکسمبرگ کے گرینڈ ڈچی اور یورپی یونین میں خادم حرمین شریفین کے سفیر کےطور پرخدمات انجام دیں۔ انہیں 2011 میں نے نیویارک میں اقوام متحدہ میں مملکت کا مستقل مندوب مقرر کیا گیا۔
۔۔۔۔۔۔۔۔۔۔۔۔۔۔۔۔۔۔