سرینگر؍۱۴ نومبر
جنوبی کشمیر کے ضلع اننت ناگ میں مبینہ طور پر بدنام زمانہ منشیات فروش کی۱۳کروڑ روپے سے زائد مالیت کی جائیدادیں ہفتہ کے روز ضبط کرلی گئیں۔
پولیس کے مطابق یہ غیر منقولہ جائیدادیں ایک ایسے منشیات فروش کی ملکیت ہیں جو منشیات و نشہ آور اشیاء کی روک تھام سے متعلق قانون (این ڈی پی ایس) کے تحت درج متعدد مقدمات میں ملوث ہے۔
پولیس ترجمان نے بتایا کہ یہ کارروائی پولیس اسٹیشن بجبہاڑہ کی ایک ٹیم نے جنوبی کشمیر کے علاقے تلخون کے رہائشی عبدالغنی ڈار کے خلاف انجام دی۔
ترجمان کے مطابق ضبط کی گئی جائیدادوں میں دو منزلہ رہائشی مکان اور۱۷ کنال۱۵ مرلہ تجارتی و زرعی اراضی شامل ہے، جن کی مجموعی تخمینہ شدہ مالیت۱۳کروڑ۵لاکھ روپے بتائی گئی ہے۔
۔۔۔۔۔۔۔(ایجنسیاں )
