لَو لینا کو 30 لاکھ روپے کا انعام، اکیڈمی کو سالانہ 12 لاکھ روپے کی گرانٹ

گوہاٹی، 12 اگست (یواین آئی) آسام حکومت نے بدھ کو حال ہی میں گلاسگو میں اختتام پذیر دولت مشترکہ کھیلوں میں خواتین کے 75 کلوگرام زمرے میں چاندی کا تمغہ جیتنے والی باکسر لَو لینا بورگوہین کو اعزاز سے نوازتے ہوئے 30 لاکھ روپے کا نقد انعام دیا۔
ریاستی حکومت نے گوہاٹی کے مضافات میں واقع امین گاؤں میں لَو لینا باکسنگ اکیڈمی کو بھی مالی تعاون فراہم کرنے کا اعلان کیا ہے۔ کھیل وزیر بسواجیت ڈیماری نے اکیڈمی کے لیے سالانہ 12 لاکھ روپے کی گرانٹ کا اعلان کیا۔
لَو لینا نے اولمپکس، عالمی چیمپئن شپ، ایشیائی کھیلوں اور دولت مشترکہ کھیلوں میں تمغے جیت کر اب چاروں بڑے عالمی اور کثیر کھیل مقابلوں میں اپنی تمغوں کی کلیکشن مکمل کرلی ہے۔ انہوں نے مسلسل تعاون کے لیے حکومت کا شکریہ ادا کیا۔
وہ آسام کی واحد کھلاڑی ہیں جنہوں نے ان چاروں بڑے کثیر کھیل اور عالمی مقابلوں میں تمغے جیتے ہیں۔