ایجنسیاں
سرینگر؍۴؍اگست
جموں و کشمیر کے وزیر اعلیٰ عمر عبداللہ نے منگل کو کولگام ضلع میں دو غیر مقامی مزدوروں کے قتل کو انتہائی افسوسناک قرار دیتے ہوئے کہا کہ کسی بھی مذہب میں بے گناہ لوگوں کا خون بہانے کی اجازت نہیں ہے۔
صحافیوں سے بات کرتے ہوئے عمر عبداللہ نے کہا، ’’یہ قتل انتہائی افسوسناک ہے۔ ایسا نہیں ہونا چاہیے تھا۔ کسی بھی مذہب میں اس طرح بے گناہ لوگوں کے قتل کی اجازت نہیں ہے۔ اس واقعے کی مذمت کے لیے الفاظ کافی نہیں ہیں۔‘‘
وزیر اعلیٰ نے کہا، ’’جن لوگوں پر امن و امان برقرار رکھنے کی ذمہ داری عائد ہوتی ہے، ان سے یہی توقع کی جاتی ہے کہ وہ اس طرح کے حملوں کو دوبارہ پیش آنے سے روکنے کو یقینی بنائیں گے۔‘‘
واضح رہے کہ ۳۱ جولائی کو ضلع کولگام میں ایک اینٹوں کے بھٹے پر دہشت گردوں کے حملے میں چھتیس گڑھ سے تعلق رکھنے والے دو غیر مقامی مزدور ہلاک ہو گئے تھے۔ (ایجنسیاں)
