۲۲؍ افسران بطور انچارج چیف ایجوکیشن آفیسر تعینات کئے گئے
ویب ڈیسک
سرینگر؍۱۲جون
جموں و کشمیر حکومت نے جمعرات کو محکمہ اسکولی تعلیم میں بڑے پیمانے پر انتظامی ردوبدل کرتے ہوئے۲۲ پرنسپلز اور مساوی عہدے کے افسران کو انچارج چیف ایجوکیشن آفیسرز (سی ای اوز) اور مساوی عہدوں پر تعینات کرنے کے علاوہ۲۸؍ افسران کے تبادلے اور نئی تعیناتیاں عمل میں لانے کے احکامات جاری کیے ہیں۔
محکمہ اسکولی تعلیم کی جانب سے جاری ایک حکمنامے کے مطابق یہ تعیناتیاں افسران کی موجودہ تنخواہ اور گریڈ میں کی گئی ہیں، جن کا مقصد محکمہ کی کارکردگی کو مزید مؤثر بنانا ہے۔
جن افسران کو انچارج چیف ایجوکیشن آفیسرز اور مساوی عہدوں پر تعینات کیا گیا ہے، ان میں نذیر احمد خان، سرو دھمن کمار، پشپا بھٹ، وینا کماری، ارویندر کور، راج کماری، جاوید اقبال گلشن، رینوکا ناگپال، کلپنا جسروتیا، روزی قریشی، نیتو گنڈوترا، رفیق احمد میر، شادی لال گپتا، نکہت میر، انجم راجا، فاروق احمد ڈار، بشیر احمد گنائی (آر بی اے)، سپنا سوری، غلام نبی نجر، فیاض احمد میر، وحیدہ شیخ اور عبدالرشید ملا شامل ہیں۔
حکومت نے واضح کیا ہے کہ یہ تعیناتیاں کسی بھی افسر کو مستقل تقرری یا توثیق کے لیے ترجیحی حق فراہم نہیں کریں گی اور یہ کسی بھی زیر سماعت عدالتی مقدمے کے فیصلے سے مشروط ہوں گی۔ متعلقہ افسران کو اپنی سروس ریکارڈ اور تعلیمی اسناد کی صداقت سے متعلق حلف نامے جمع کرانے کی بھی ہدایت دی گئی ہے۔
ان تعیناتیوں کے بعد کئی افسران کے تبادلے اور نئی تعیناتیاں بھی عمل میں لائی گئی ہیں۔ اونیل کمار بھٹ کو سی ای او گاندربل سے منتقل کر کے سی ای او رام بن تعینات کیا گیا ہے، جبکہ سنجیو کمار سوری کو پرنسپل ڈائیٹ راجوری مقرر کیا گیا ہے۔
اسی طرح عبدالرشید میر کو پرنسپل ڈائیٹ کپواڑہ، دیپک کمار گپتا کو پرنسپل ڈائیٹ ریاسی اور رفعت عرفان قادری کو پرنسپل ڈائیٹ سرینگر تعینات کیا گیا ہے۔
گیتو بانگوترا کو سی ای او ریاسی جبکہ نذیر احمد خان کو سی ای او گاندربل مقرر کیا گیا ہے۔ سرو دھمن کمار کو پرنسپل ڈائیٹ رام بن، پشپا بھٹ کو ایس سی ای آر ٹی ڈویژنل آفس جموں اور وینا کماری کو ایس سی ای آر ٹی جموں و کشمیر میں تعینات کیا گیا ہے۔
ارویندر کور کو پرنسپل ڈائیٹ کڈ، ادھم پور، راج کماری کو ایس سی ای آر ٹی ڈویژنل آفس جموں اور جاوید اقبال گلشن کو سی ای او پونچھ کے ساتھ پرنسپل ڈائیٹ پونچھ کا اضافی چارج دیا گیا ہے۔
رینوکا ناگپال کو ایس سی ای آر ٹی جموں و کشمیر جبکہ کلپنا جسروتیا کو سماگرا شکشا میں تعینات کیا گیا ہے۔
روزی قریشی کو پرنسپل ڈائیٹ پامپور، نیتو گنڈوترا کو پرنسپل ڈائیٹ شوپیاں اور رفیق احمد میر کو سی ای او بانڈی پورہ کے ساتھ پرنسپل ڈائیٹ بانڈی پورہ کا اضافی چارج سونپا گیا ہے۔
اسی طرح شادی لال گپتا کو پرنسپل ڈائیٹ کولگام، نکہت میر کو پرنسپل ڈائیٹ سوپور، انجم راجا کو سی ای او پلوامہ، فاروق احمد ڈار کو سی ای او اننت ناگ، بشیر احمد گنائی کو سی ای او بڈگام، سپنا سوری کو پرنسپل ڈائیٹ بڈگام، غلام نبی نجار کو سی ای او بارہمولہ، فیاض احمد میر کو سی ای او کولگام، وحیدہ شیخ کو پرنسپل ڈائیٹ اننت ناگ اور عبدالرشید ملا کو پرنسپل ڈائیٹ گاندربل تعینات کیا گیا ہے۔
محکمہ اسکولی تعلیم نے تمام افسران کو ہدایت دی ہے کہ وہ حکم نامہ جاری ہونے کی تاریخ سے۱۰دن کے اندر اپنی نئی تعیناتیوں پر حاضر ہوں، بصورت دیگر ان کی تعیناتیاں بغیر کسی مزید نوٹس کے ازخود منسوخ تصور کی جائیں گی۔
یہ حکم نامہ رام نواس شرما، آئی اے ایس، کمشنر/سیکریٹری حکومت، محکمہ اسکولی تعلیم کی جانب سے جاری کیا گیا ہے اور متعلقہ حکام کو فوری عمل درآمد کی ہدایت دی گئی ہے۔
